Sunday, May 25, 2008

ركود

من يحرك طواحين هوائي
بعد أن توقفت الرياح
من يعيد إلي ذاتي
بعد ضياع أضواء الصباح

Tuesday, May 13, 2008

هرتلات 2

أوعى تبيع.... أبيع إيه هو أنا حلتي حاجة غير نفسي عشان أبيعها.... حتى دي لو حبيت أبيعها ماتسواش حاجة.
***********
تفتكر لو أنضميت للحزب إياه يبقى في أمل أعرف أعيش في البلد دى ؟؟؟
***********
مش لاقيين عيش ياكلوه.... ياكلوا اللحمة حاف
***********
لوسعاد حسني كانت عايشة أكيد كانت حتغير أغنيتها و تخليها الحياة بقى لونها بني
***********
يا بخت مين كان عميد الكلية خاله
***********
هع هع هع هع هع
***********

Saturday, May 10, 2008

تدوينة أنا نفسي مش فاهمها

الساعة دلوقتي 6 الصبح , المفروض إن أنا كنت سهران بذاكر خرة سانة, بس اتخنقت و نزلت , في دماغي حاجات كتيرة قوي , أفكار غريبة عن حاجات المفروض كنت أعملها و حاجات نفسي أعملها , مواقف حصلتلي و اتصرفت فيها غلط , ومس عارف ليه بكتب التدوينة دي أصلا , كان في حاجات كتير قوي عايز أكتبها بس أول ما بدأت اكتب

كل حاجة راحت من دماغي , كنت عايز أكتب عن اللي بيحصل في البلد و عن وجهت نظري في اللي قالته اسراء بعد ما طلعت و إن الأمن عاملها كويس , الناس كلها قالت إن في حد ممليها , بس النظام لو كان فكر كويس يبقى فعلا عاملها كويس علشان يحصل تضارب بينها و بين زمايلها , دي وجهت نظري - إيه ده قدرت أمسك فكرة - , المهم .. إيه تاني ؟؟؟؟ مش فاكر... لأ افتكرت كنت عايز أتكلم عن الكلية اللي بقال فيها 5 سنين و لسة في سنة تانية , عن السينما وعن إن أنا نفسي أدرس الإخراج السينمائي , اتكلم عن حلم جايزة الأوسكار , أنا بدأت اهرتل مش كده؟؟ دي دماغ قلت نوم أو عدم نوم بمعنى أصح , بس حتي لو بهرتل , ده حلمي و معنديش أستعداد أتنازل عنه , اتكلم عن شريط مريام فارس اللي بسمعه دلوقتي و عاجبني , كل ده و لسه في دماغي أفكار كتيرة قوي , بس مضطر أقوم عشان أكمل شيت الخرة سانة .
سلالالالالالالالالالام