أنا مبخفش من ربنا

أنا مبخافش من ربنا
أنا بخاف أزعل ربنا مني
أنا عارف إن هو بيحبني
مع إن أنا أقل من إنه حتى يبصلي
لما بيحصلي حاجة كويسة بحمده
ولما بيحصلي حاجة وحشة برضه بحمده علشان هوه مقدرلي خير بعديها
مش بخاف و أنا بتكلم ومعاه
اللي بفكر فيه باقولوه من غير مازوقوه
هو مش محتاج لكل البروتوكولات بتاعتنا
أنا يمكن مكونش العبد المطيع
ولا متدين قوي
بس أنا بثق في ربنا
و عارف إن هو علي طول جنبي
الإسبوع ده عندي أمتحانات
حالة وفاة في أول يوم امتحانات
الدنيا ادربكت
ودخلت الامتحان و حليت كويس
ناس معرفش عنهم حاجة بقالي كتير
لقيتهم بيتصلوا بيا اليوم ده و بيسالوا عليا
من غير ماحد يقولهم حاجة
مع أنهم برة أسكندرية
طب أشمعنا اليوم ده بالذات
علشان ربنا عايز كده
علشان هو بيحبني
علشان كده أنا مابخفش من ربنا
ربنا بيعملي كل ده
ماينفعش أخاف منه
أنا أخاف أزعله
مع إني حتى لو زعلته مش حايأذيني
علشان كده أنا مبخافش من ربنا
أنا بخاف أزعله مني