حد مرة فكر يحط نفسه مكان أوضة في فندق
يفكر و يحس زيها
لما الأوضة بتبقى مش مسكونة
بتبقى مضايقة
نفسها حد يسكنها
لما بيسكنها حد مبهدل و مش مرتب
بتبقى مضايقة
نفسها الشخص ده يطلع منها و يسيبها
آه حترجع فاضية
مفيهاش روح
بس على الأقل مش حتبقى وحشة
بس برضه بيبقى نفسها أكتر
حد كويس يسكنها
يديها روح
يخليها أجمل
لما حد زي ده بيسكنها
يبقى نفسها مايسيبهاش
أنا الأوضة دي
و مش عايز البني آدم اللي ساكن فيا يسيبني
********
الصورة اللي فوق دي صورة أوضتي
7 comments:
متكركبة؟؟
و لا مترتبة كدة؟؟
شايفة شنطتك ، كتبك ، سجادة الصلاة، الساعة ، النضارة ..
و الحصان ..
الحصان يا صفوان ...
:)
أنا لوم من أوضتي الحقيقة أنتحر..
مفيش حاجة في مكانها..
وكل ما أطلع تيشيرت ولا جينز من الدولاب وأقلعهم أحطهم على الكنبة، لحد ما الكنبة أصبح دولابي..
أنا زى أحمد يحيى إللى كتب كومنت فوقيّا عايش مرحلة إن السرير يبقى دولاب و ان كنبة أودة القعاد تبقى السرير و أن الكرسى بتاعى فى كلاى كافيه يبقى هو كنبة أودة القعاد و أن الكلية تبقى هى الكافيه إللى بروحوه و أن الدروس تبقى هى الكلية , ..... أتعب من كل ده أرمى نفسى على السرير ألاقى إن السرير بقى دولاب ... حد فهم حاجة من حياتى.. لو حد فهم يقوللى
ana ta2rebn fahem aly enta 3ayz taolo de mish moshkltk lwhdk 3la fekra de moshklt nass kater shyfa an 7ytha mashya bl 3aks w mafish
7aga fe mknha wla a7na kman b2ena f mkana w kfaya kda ba2a 3lshan mish fahem haga aslan:D
بوست حلو اوى
المهم ميجيش يوم وتدفعله خلو رجل عشان يحل عنك..
:)))))))
w el oda di lw etrwa2t 7atfed ro7ha
es2al magrab :)
على فكرة انا مختلف معاك نماما
مش لازم يبقى الشخس مرتب عشان تحبه
انا اكتر انسان اودتى مبهدلة
ولما بتترتب بحسها لاويا بوزها
واول ما اروح تجرى تشتكيلى
تقولى شوفت الست امك عملت فيا ايه
انا همسك فى كلمة من كلامك
المهم ان حد ترتاحلة "يسكمها" حلو اوى التعبير ده.....واول مرة تخلينى افكر فى احساس الاودة :D
Post a Comment