عندي فرح بكرة ... لازم أحلق .... يا دينييييي...
طول عمري مابحبش الحلاقة ، علشان كده دائما بختار شغل ماتعملش فيه مع الناس ..
بس اللي حصل السنة اللي فاتت غيركده ، و كنت بحلق دقني مرتين في الأسبوع ، كان عذاب.
موس الحلاقة ده أنا ممكن أعور به نفسي ، و ممكن أحس بعد الحلاقة إن أنا جورج كولوني
زيه زي أي حاجة في حياتي جنب كويس و جنب وحش
الحياة دي زيها زي النيسكافيه... يا إما سكره كويس .. يا إما مر أحس إن أنا بشرب حاجة سودة
بس لما يخلص و يبان المج من جوة بيبقى أبيض ... أبيض زي قلبهم .. رغم كل اللي بعمله فيهم لكن برضه بيحبوني.... أبويا و أمي دول اتنين ملهومش حل ... زي المسائل اللي نتجيلي في الأمتحانات بالظبط
أنا إيه اللي كان دخلني الكلية دي أساسا... يمكن عشان هو ده النظام في مصر..
هو أحنا ليييه بنقول على القاهرة مصر؟؟
آخر مرة كنت في القاهرة كنا في معرض الكتاب ، السواق مكنش عاجبه أننا رايحين نشتري كتب
كان عايزنا نروح نعمر الصحراء... زيه زي ناس كتير شايفين أننا بنضيع وقت في القراية
عايزينا نشتغل يعني هو الشغل ماينفعش من غير قراية ... طب هو فيين الشغل ده أصلا
وحتى لو لقينا شغل تفتكر حنقدر نحقق أحلامنا..حتى لو كان الحلم ده صغير
بس هي ما بتقولش صغير .. بتقول" ضغنن"
طريقتها و نظرة عينيها و هي بتقول الكلمة دي بتموتني
هو بيت الشعر ده كان بيقو ل إيه .. آه
إن العيون التي في طرفها حور...... قتلننا ثم لم يحيين قتلانا
زي ما الموس ده موتني .. و شكلي كده مضطر آخد دقني وش كمان
طول عمري مابحبش الحلاقة ، علشان كده دائما بختار شغل ماتعملش فيه مع الناس ..
بس اللي حصل السنة اللي فاتت غيركده ، و كنت بحلق دقني مرتين في الأسبوع ، كان عذاب.
موس الحلاقة ده أنا ممكن أعور به نفسي ، و ممكن أحس بعد الحلاقة إن أنا جورج كولوني
زيه زي أي حاجة في حياتي جنب كويس و جنب وحش
الحياة دي زيها زي النيسكافيه... يا إما سكره كويس .. يا إما مر أحس إن أنا بشرب حاجة سودة
بس لما يخلص و يبان المج من جوة بيبقى أبيض ... أبيض زي قلبهم .. رغم كل اللي بعمله فيهم لكن برضه بيحبوني.... أبويا و أمي دول اتنين ملهومش حل ... زي المسائل اللي نتجيلي في الأمتحانات بالظبط
أنا إيه اللي كان دخلني الكلية دي أساسا... يمكن عشان هو ده النظام في مصر..
هو أحنا ليييه بنقول على القاهرة مصر؟؟
آخر مرة كنت في القاهرة كنا في معرض الكتاب ، السواق مكنش عاجبه أننا رايحين نشتري كتب
كان عايزنا نروح نعمر الصحراء... زيه زي ناس كتير شايفين أننا بنضيع وقت في القراية
عايزينا نشتغل يعني هو الشغل ماينفعش من غير قراية ... طب هو فيين الشغل ده أصلا
وحتى لو لقينا شغل تفتكر حنقدر نحقق أحلامنا..حتى لو كان الحلم ده صغير
بس هي ما بتقولش صغير .. بتقول" ضغنن"
طريقتها و نظرة عينيها و هي بتقول الكلمة دي بتموتني
هو بيت الشعر ده كان بيقو ل إيه .. آه
إن العيون التي في طرفها حور...... قتلننا ثم لم يحيين قتلانا
زي ما الموس ده موتني .. و شكلي كده مضطر آخد دقني وش كمان
