و أنا صغير عندي 12 سنة كده
كان نفسي أبقى بحار
بمسح سطح المركب و أقشر الدهان من عليها
البحر بالنسبة ليا هو الحرية .. علشان كده مفكرتش ابقى ظابط
لأ مجرد بحار .. مش مسئول عند حد غير نفسي
مكنتش عايز مراكب سياحية .. مش عايز اتعامل مع الناس
مركب تجارية ملهاش خط سير ثابت بتلف في كل حتة
كنت قريت رواية مش فاكر اسمها إيه البطل بتاعها كان بحار صغير على مركب
كان مقتنع إن البحار الصغير هو اللي بيستنشق هوا البحر طازة
و الظباط بيستنشقوه بعد مايكون عدا على البحارة
لما بغطس في البحر
بحس إني بنزل كل الأفكار اللي في دماغي من غير ماحد يعرف هي إيه
بنزل البحر بليل
و بنزل البحر في عز الشتا
بس و أنا واقف قدام البحر و الهوا داخل جسمي بفكر
هو الهوا ده طازة ؟؟؟
6 comments:
لا مش طازة لأنك واقف على أرض الواقعو أرض الواقع ليست بها ما ذكرت.
تحياتي
لأ البحر دايما طازه
بس احنا الي مش طازة
3ashan enta tazza ya wan f akeed el hawa elly hayd7'olak haykoon tazza..yatra 3aref men???;);)
يا ترى الهوا ده طازة؟؟
ليه بتيجي عالوتر الحساس
لو الهوا عالبر طازة تبقي فين الاحلام !!
.. جمال الاحلام الصغيرة لما تكون قد البحر
.. مش بتتحقق
.. خلينا نبص لها من بعيد و نلمسها في عز التلج
مش عشان جنون اننا نعيش فيها
.. عشان لو بقت حقيقة
.. هتموت
u wanna real fresh air
go to a fresh place a raw one
u can find that in" matrooh"
Post a Comment